Их Британий ирээдүйн ерөнхий сайдын төлөө тэмцэж байгаа гурван нэр дэвшигч телевизийн халз тулаан хийсэн ч одоогийн байдлаар цэвэр ялагч тодроогүй гэж ажиглагчид бичиж байна. Эрх барьж буй Хөдөлмөрийн Намын 13 жилийн ноёрхол үргэлжлэх эсэхийг ирэх сарын 6-нд болох сонгуулиар Британичууд шийдэх гэж байгаа юм.

Бангкок хотод өчигдөр орой дараалан хэд хэдэн удаа дэлбэрэлт болж хүний амь үрэгдсэний дараа цагдаа болон засгийн газрын эсрэг жагсагчид бизнесийн гол дүүрэгт өөд өөдөөсөө халз тулан зогсож байна. Өнгөрсөн шөнийн дэлбэрэлтээр гурван хүн амь үрэгдэж 70 гаруй хүн шархадсан ч байдал одоо намжаад байна.

Чилийн Сантияго хотын метроний шат нэг л өглөө сэрэхэд төгөлдөр хуур шиг болж, гишгэхэд хөгжмийн эгшиг дуугарч эхэлжээ. Хотын захиргаа хүмүүсийг дасгал хийлгэхэд уриалан дуудаж, улмаар зүрх судасны өвчлөлтийн бууруулах арга хэмжээ авч буй нь энэ юм.

Женев хотод анхан шатны зохион бүтээгчдийн олон улсын үзэсгэлэн худалдаа болж байна. Өнгөрсөн жилийн үзэсгэлэнд оролцогчид 30 сая еврогоор үнэлэгдэх лиценз, оюуны өмчийн эрхийн гэрээ хийж байжээ.