Дэлхийн дахины дөрвөн жил хүсэн хүлээдэг “Хөлбөмбөгийн Дэлхийн Аварга Шалгаруулах Тэмцээн” 2018 онд ОХУ-д зохион байгуулагдахад NTV телевиз бүтэн шууд дамжуулсан билээ. 2018 оны 6-р сарын 14-нээс 7-р сарын 15-ны хооронд болсон уг тэмцээнийг NTV телевиз өмнө нь байгаагүйгээр шинэлэг, мэргэжлийн өнгө төрх, тайлбартайгаар шууд дамжуулсан. Нийтдээ 64 тоглолт болсноос хэсгийн шатны 24, хасагдах шатны 16 тоглолтыг хөлбөмбөгийн Монгол дахь шилдэг хөтлөгч, тайлбарлагчдаар амт нэмэн үзэгч та бүхэнд хүргэсэн юм.